ایک حرف ایک کہانی

کہانی کہانی میں بچوں کو اردو حروف سکھانے والی بہترین کتاب

ایک حرف ایک کہانی“ بچوں کے لیے ایک مفید ترین کتاب ہے جس میں بچوں کو بہت ہی خوب صورت اور دل چسپ انداز میں اردو حروف سے آشنا کروایا گیا ہے ، اس کے مطالعے سے بچے غیر محسوس طریقے سے لفظوں کی شکل، مفہوم اور صوت سے واقف ہو جائیں گے۔ بچے کہانی کی انگلی پکڑ کر حرف نگر اور پھر لفظوں کے جہاں میں جاتے ہیں، جہاں انھیں ”آ“ سے آلو میاں “ سے انار اور کہیں پ“ سے پری اور ت سے تتلی اپنی موجودگی کا احساس دلاتی ہے، خربوزے کھانے ہوں تو ”خ“ سے خان پور کے خربوزے آموجود ہوتے ہیں۔ یہ کتاب بہت ہی مزے مزے کی کہانیوں پر مشتمل ہے، چوں کہ ان کہانیوں میں مزے مزے کی کھانے پینے کی اشیاء کا ذکر ہے، اس لیے بچے ان کہانیوں کو مزے لے لے کر پڑھیں گے ۔ بچوں کو ادب کے ذریعے زبان سکھانے کا یہ طریقہ بچوں کو زبان سے جوڑے رکھے گا۔ ایک حرف، ایک کہانی بچوں کے ادب میں تازہ ہوا کا جھونکا ہے، یہ کتاب بچوں کی نصابی و ادبی تقاضوں کو احسن طریقے سے پورا کرے گی۔

کل صفحات 136